Création de Na Mavinga 1

Mu mvu wa 4200 tekela tandu dia Banionzi :

- Makanda ma Bena Kongo masisa mongo a Etiopi ye kulumuka mu zunga ka Banda Nil.

- Ndombe za ntela mianda zayonzama ye wisana mu vanga nsi yimosi yanene  yavewa nkumbu vo Ekipata (Het Ka Ptah pour les Egyptologues falsificateurs) . Nsi yayi yakabua mu makuku matatu matulua mu kinzungidila kia Tiya tuakati.

Ngipiti (Egypte), Nubi, ye Etiopi i makuku matatu ma nsi ye Ekipata.

- Makanda ma Bandombe bu mayonzana mu ntoto mia lubutu mia nzadi a Nil, Bena Kongo banina nsi ya Etiopie ye kulumika mu ntoto miampa mu batunga Ngipiti.

 

schema-jour-nuit

- Ngipiti yakala nsi ya Kinzambi beni. Kinzambi kia Bandombe mu Ngipiti kiakadila va lufulu lua nkalasani yabiza ye Ntinu Wakimpeve wa Ngue Ntangu, idina kinzambi kiaki kiavvanua nkumbu vo KIMZAMBI KIA KONGO (la Religion Solaire) MU NGIPITI. Kadi lukongolo (lu-kongo-lo) ye puntu va kati-kati i dimbu kia Ngue Ntangu mu luyalungunu.

Ntemo wampembe wa Ngue Ntangu uvambananga ye kitukanga ntinta nsambodia za n'kiama, za dimbu kia Ne Mbumba, za lukongolo, za Kongo ye kinzambi kiandi.

Tuka mu Ngipiti, lufulu lua KINZAMBI KIA KONGO luamuangana mu ntini ziya za nza ye kienzola Bandombe, Mindele, ye Batundu.

Mu makanda mamo ma Bandombe bakala mu Ngipiti, kanda dialutila vema mu sadila KINZAMBI KIA KONGO kia bisi Ngipiti diavewa nkumbu vo kanda dia Bena Kongo.

theogonie_egyptienne

- Bandombe mu Ngipîti badiatila mu nkalasani yabiza ye TATA NZAMBI'A MPUNGU wabasakumuna. Ku nsia lusakumunu lualu, Bandombe batemoka beni mu kinsuni ye mu kimpeve. Idina, bamindele ye makanda mampila mu mpila ma bantu mayiza ku Ngipiti mu kuiza tomba madia ma kinsuni ye ma kimpeve, mu kuiza longoka mu binsasa (les écoles) bia Bandombe, ye mu kuiza sala kingamba ye kiboyi mu nzo za Bandombe ku Ngipiti.

- Landila mbandu zazingi na zingi za Mintinu miayala Ngipiti, mindele miamingi miayiza ku Ngipiti mianata bifu biabingi biambi. Bandombe btanginina bifu biabi biabanata mu katuka mu nzila yabiza ya Kinzmbi kiau kia Kongo, Makanda mampila mu mpila ma mindele miayiza nuanisa Ngipiti ye tomba mu ziona nsi yayi ya kimvuama va moko ma Bandombe bavua yo.

Création Na Mavinga 5

Mu mvu wa 4000 tekela tandu kia Banionzi :

- Ngipiti yatomboka, yatemoka, yaduma, ye kituka muinda wa Nza yamvimba.

Création Na Mavinga 6

- Kanda dia Ndombe za ntela miazangama diafunana tuka ku Etiopi, ku Nubi, ku Ngipiti nateye mu Madiani, Muabi, Kanana, Kolazi, ye India.

- Kinzambi, Mazayu, ye Mayala basimbasana moko ye salasana, lungasana mu nzila ntomosono ye ntuadusulu a nsi.

- Makanda mampila mu mpila makele kuizanga ku Ngipiti mu kuiza longoka, tomba Ntemo ye bisalu, madia ye mazayu.

-  Mvualangani mu nkalasani va kati kua bisi Ngipiti ye nzenza zampila mu mpila zayiza mu nsi yasumuna Ngipiti yayantika kuluka.

Création Na Mavinga 15

Mu mvu wa 1300 tekela tandu kia Banionzi :

Akhenaton

- Falao Kenatu watelama, wanuanisa mvualangani, ye vutula Kinzambi kia Ngipiti mu nzila yabiza, mu Nzila Kongo.

- Falao Kenatu wabiekua kintinu mu Ngipiti wanuanisa bifu biambi biakota mu nsi ye vutula Ngipiti mu nzila Kinzambi kiakedika, i KINZAMBI KIA KONGO mu Ngipiti.

DISQUE DE RA

- Landila lufua lua Falao Kenatu, bilandi kiandi biazomua mu Ngipiti beni.

- Bena Kongo babingi balanda Kinzambi kia Falao Kenatu basisa Ngipiti ye kuenda tinina ku Etiopie.

Création Na Mavinga 7

Mu mvu wa 960 tekela tandi kia Banionzi :

- Mama Mankenda Saba, wa Bena Kongo, wakuelana ye Ntinu Solomo ku Yelusalemi.

- Mu diambi dia makuela mama, Bena Kongo babingi basisa Etiopi ye kuenda vuanda mu ntoto mia Israel, mia Bena Israel (Bana ba Yakobi, Yakubu), mia Kanana (Canaan).

Mu mvu wa 920 tekela tandu kia Banionzi :

- Makesa ma Bundu dia Falao Kenatu makala ku Etiopi matelama ye nunga mu bonga luyalu lua Etiopi, Nubi, ye Ngipiti.

- Mvualangani yanuanusua, yasembua ye vuzua ku ndambu ka ndambu. Ngipiti yavutuka baka moyo wampa.

- Mvita ye banzenza zatatamana. Bifu bianzenza biakota ye yantika sumuna diaka nsi.

Création Na Mavinga 8

Mu mvu wa 220 tekela tandu kia Banionzi :

- Simbi kia Ne Muanda Kongo kiayiza bieka Ne Mbemba Zulu mu kala Ntuadisi wa Bena Kongo.

- Nding'a Tata Nzambi'a Mpungu yawakana kua Ne Mbemba Zulu yavova kua Bena Kongo vo :

Ngeye i Kanda Diasolua mu kunsadila.

Bakulu baku bantete batuka ku Zulu,

Kansi ngeye i ku Etiopi wabutukila

Tuka ku Etiopi, yakunata ku Ngipiti.

Buabu ngieti kuvaikisa ku Ngipiti,

Ye kufidisa nseke beni vioka ntoto mia Etiopi :

Mu kuenda kala kuna Ntu ye Ntim'a

Zunga kiokio kianene kia Ntimansi

Kiayalangana tuka kuna mbu wa Kalunga,

Nateye kuna nto za nzadi Nil.

Una kuenda kunda kuna ku Nsi ya Nsilulu

Ya Ntotela Nene, i Mani Kongo,

Una tuka ku Zulu ye kuiza vava Ntoto.

I ku nsi yoyo mbikudulu zina lunganana, 

Kadi mu kieleka, buvovele Mfumu,

Bana ba Nzatombe bu bana zimbikisa makanda ma bantu,

Ntemo una sikamesa makanda ye kienzola Nza

I ku Kongo dia Ntotela una tuka :

Mu ntangu yasila dia Mfumu,

Mbuetete ya Nsilulu

Bu yina ku Kongo Diakati.

Makaba 118 : 9-14 

MUKULU WAMOYO

Note : les sublimes images sont l'oeuvre du Vaillant Kesa mu Nzila Kongo connu sous le nom de MUE MAVINGA.... Je le salue du Feu du Coeur a dit Ntumua Mase.

Nous avons utilisés les brochures intutilées "Kinkulu Kieto" ye "Kimpuanza kia Kimpeve" écrites par MFUMU MUANDA NSEMI pour cet article.....La Langue utilisée est le Kikongo ma Kasi des Adeptes de Bundu dia Kongo. Au lien d'apprendre le français, le latin, l'hébreu ou l'arabe que ces Noirs apprennent tous le Kikongo Pur.... Tiens donc les Bana ba Zulu disent depuis Kakongo (située dans la périphérie de Sirius), que le Kikongo est la Langue Mère des langues de la planète Terre, une langue issue d'une Parole de Pouvoir de Ne Kongo Kalunga walungila ùu babo ye biabio..... Bu ntele !

Ntumua Mase

Mfumu a Zikua Madinina BDK