Nzila Kôngo

 

Président du Comité de Sages BDK et BDM

Kua Makesa, nkangu a Kongo ye babo. Tandu ka tandu kiena ye muningu andi, isavo mu zimvita za mpila mu mpila ye mavonza ma mu nza yayi, tubindamene ku kivana mu bisambu, telama mu kikesa niongoloka kua mfumu muanda kongo vuidi kisalu kiandi,ye sila vuvu mu nzila yayo ntumua keti ku tu nata evo songa, kadi yandi kaka zeyi makinu ye muningu wa ndiatila. Idina: ka tukadi ye keti keti ko, tu siameno ,tu luta lemisa mpeve ya mika mia mbua, vutula zola mu beto na beto, nuanisa kintantu mu beto, mpaka mu beto,kadi ntantu ye sielo biandi bawu tu tomene zaya.

Mu ntangu ntantu ye sielo biandi beti tomba mu sumba makesa ye nkangu, kotesa mpeve ya mpaka mu beto kidi tua yoya ye tua bua; tu bindamane telama mu kikesa ye bedisa ntontolo za mpila yoyo, kaya meso va ntadisi a mavanga ma ntantu ye sielo biandi. Tusimba dio nzila yayo ntumua kalenda viokela yena kaka mutu tombila ndungunu ye ndungu eto yeka lukufi. Kadi miangala mia ngolo mi natanga mvimbu evo vumu kia butuka evo vayika. Tusimbasaneno moko na moko mu sala, mu lembua landa matingu evo mvuezolo a mintatu mieto.

Mu dia vuezua mua vayikila dia ntalu ye dia nzitusu, landila mpasi kiese kilandanga, va kintente ntantu lenda banza vo nungini kansi va zimunina bedusua kaka kana bedusua, kadi kanda dieto diena dia nlongo, nsilulu zeto zena za kedika , nzila zazo nlongi ka lenda ku tu nata evo viokela zena kaka kutu natina ndungunu. Mayangi kua babo bena vuata ki kesa, mvibudulu, mpeve ya mika mia mbua, kadi kimfumu ka mazulu ye nkembo wa kongo wena mu moko mawu. Engua, engua,engua kua ntantu mia kongo ye sielo biandi luna bedusua ye tulua va mbata makala matiya ye yonzika mambi meno kadi bikunanga muntu mu ngindu , mu mpova ye mavanga kaka mu kaka bindamene yonzeka.

Bika tua luta yimbila nkunga miami :

  1. Mu zimvita za mpila mumpila ye mavonza mamu nza yayi lu makesa ma bundu dia kongo nani lenda kutu tanina

  2. Uta dia nlogo i siama mu nge vundisa mono wu nkindisa mpe

  3. Kitembo ki kulumukini mu katiopa ntangu a nsilulu yeka lukufi nkua mvuatu mia mbuaki…

- bika nlongi a kongo kanunga mu nzila zazo keti kutu nata ye fuisa nsoni ntantu mia mio mia kongo

- bika mianda mia ntemo mia tu tuadisa.

- bika ntangu ya luvuvamu ye ngemba ya yala mpeve zeto zazo ye tu nata ku ndungunu ya ludi

Mu nkumbua mfumu eto Ne Muanda kongo tulombele bo. Ingeta, i bobo i bobo.

Ne Mputu lusembo

Mfumu a kabu dia banduenga.

Kabinda kia 06/03/2017.