KONGO DIETO 765 : TIYA MU MAHANZA LE FEU DANS L'UNIVERS
Yenge kieno Makesa ma Bundu dia Kongo mu Amelika ye nza yamvimba
Mama Vita Kimpa ku Tiya
Mu lumbu kia 2-7-1706, ku nsia lutumu mindele mia Mpelo, Baklisto ba Kongo banata nkuni zaingi beni ye namika tiya tuanene.
Binuani bia Lukezo, biakala ku nsia lutumu lua Père Lorenzo da Lucca biabonga Mama Vita Kimpa, biam'zangula, ye kum'tuba ku zanga dia tiya.
Bu kaluaka ku tiya, Mama Vita Kimpa waboka mu ndinga yangolo kua Mfumu Yesu mu diambu dia funda bamindele kua yandi Mfumu'awa.
Mama Vita Kimpa yandi vo :
Yezo, Yezo, Yezo !
Tala mavanga ma bamindele
Banata nkumbu'aku ku Kongo !
Bamindele bau vo :
I ngeye Mfumu Yezo wena Mfumu'awu,
Ye vo i ngeye wabatuma
Mu kuiza tengola menga ma Bana ba Kongo !
Landila mpova zazi, Muela wantemo wa Mama Vita Kimpa wavaika mu nitu'andi yakinsuni yazelangana ku tiya vanavau.
Muela wau watombokela mu Mazulu mu kimbongila kia Ntemo wangolo.
Nding'a Mama Vita Kimpa yawakana mu ntim'a Ntemo wa yaboka vo :
Muele Kongo, Muela Kongo !
Bana ba Kongo bena moyo !
Mamo malungane, malungane, malungane !